بتشكيله من مجلس قديم
ابن اللئمه العسكري
ومعاه كتاتني
وراه بديع
وفى الحراسه الفنجرى
بكار فى خط المنتصف
غزلان فى عمق المنعطف
كاطو الهجوم المفتري
وفي الشمال
عمي كمال
وزير مدقدق جنزري
خط الدفاع
من غير صداع
مجلس بدقن وملتحي
أحزاب عجب
طراطير صخب
والأسم شعبي وثورجي
ألتراس صياح
من غير سلاح
حبه عيال وهتتهري
والدنيا تولع من جديد
ومش بعيد
قانون طوارئ بلطجي
والكره لسه في ملعبي
رايح وجاي على السرير
صحابي واخوايا الكبير
اما صيح جمهور غبي
والماتش يكمل للنهايه
وفى النهايه
ستاره سودا وتنطوي
راح اللى راح
من غير جراح
الكرسي هاخدوا ... و مكسبي
